به گزارش هزارماسوله ،گاردیەن:چنها گوزارشت و گیرامێ جەبارەو ڕیشە و ڕەچەڵەکو کریستۆف کۆلۆمبی هەن و واچیان کە بڕێ ماچان خەڵکو هیسپانی و بڕێچ سورێنێ سەرو ئینەی که کۆلۆمب پورتەغاڵیەن،بەڵام فرەو تاڕێخەنویسا پی باوەڕەنێ کە کۆلۆمب جە ئەسڵەنە ئیتالیاییەن.
خوزەئانتونیولورێنتی(Jose Antonio Lorente)زانشتمەند و تاوتوکارو DNA زانشتگاو گرانادا(Granada)ماچۆ: بە باوەرو ئێمە کریستۆف کۆلۆمب جە ئەسڵەنە ئیتالیایەن و ئینە سەلمیان و هیچ گومانێش چەنە نیەن.
هەرپاسەبە پەیلواو تاڕێخەنویسێ بەنامێ ئالفۆنسوسانز(Alfonso Sanz)ی که سورەن سەرو ئی بابەتیە: کە کۆلۆمب ڕەچەڵەکی هیسپانیایش هەن و مەنتەقەو Espinosa de Henares جە دلێڕاسەو ئی وەلاتەیە جە ئەذای بیەن و ئیجا ماچۆ:ئومێدوارەنان ئی هەرمانێ بو سەبەبو ئانەی بیاومێ پی ئەنجام و نەتیجەیە که کۆلۆمب جە ئەسڵەنە نەجیب زادێوە هیسپانیایەن نە مەلەوانێ خەڵکو جێنوای.
فرەو جە تاڕێخه نویسێ(مورخان) مواچان کە کۆلۆمب ساڵەو ۱۴۵۱ عیسایی جە شارو جێنوا(Genoa)ئیتالیایی جە ئەذای بیەن. وەڵتەرۆ یانی جه ساڵانو ۲۰۰۰۴--۲۰۰۰۵ یەنە یوەمین نمونێو ئەوەمەنەو ئاسارو ئی دەریاپیمایە چەنی کوڕەکەیش و براکەیش بەنامێو فێرناندو و دیەگو کۆ بیەبێوه و قەرارەن دماو ۱۶ ساڵێ جە مانگەو ئوکتۆبرو ئێساڵیچ بە کۆششو تاقیگای DNAی جە ئامریکا و ئوروپانه،ئەنجامو کۆتایی ئی تاوتوکاری زانشتیە وڵاو و پەخش بۆوه.
پەنەوازەن بواچیو کە کۆلۆمب جە ساڵەو ۱۵۰۶ی عیسایی جە شارو والادولید(Valladolid)و هیسپانیای چەمێش ئەو دنیای قوچنای و مەرد. پاسە که وێش واتەبێش کە جە جەزیرەو هیسپانیولای(Hispaniola) کە ئیسەتێ ئینا میانو جمهوری "دومینیکەن"و"هاییتی"یەنە ئەسپەردەو خاکی بۆ کە دماتەرۆ یانی ساڵەو ۱۵۴۲ عیسایی ئەوەمەنەو جەسەیشا بەرد پەی ئاگەی و شۆنیەره جە ساڵەو ۱۷۹۵ عیسایی پەی وەڵاتو کوبای و دماتەرۆ یانی جە ساڵەو ۱۸۹۸ ی عیسایی بەردشا پەی شارو سیویلی. ساڵەو پاری و جە نائارامی و شۆڕشو خیابانی خەڵکو ئامریکای،یۆ چا پەیکەرە و موجەسەمانە کە شپرزشا کەرد و ماڕدشا،پەیکەرەو کریستۆف کۆلۆمبی بێ کە سەرەشا پڕنا و فڕەشادا سەرو جادەی ! خەیلێ جە تاڕێخەنویسا کریستۆف کۆلۆمبی بە داگیرکەرو سەرزەمینو ئامریکای مژناسان و ماچان کولۆمب نە کاشف بەڵکو داگیرکەر بیەن و دەسش بە کوشتەو هەزاران کەسی جە خەڵکو بومی وشکانی ئامریکای ئالوده بیەن.