جەژنە و رمضانی مبارک بوو پی گردیتا

سرویس: مقالات كرديکد خبر: 299495|09:23 - 1400/02/23
نسخه چاپی
جەژنە و رمضانی مبارک بوو پی گردیتا
جەژنە و رمضانی مبارک بوو پی گردیتا.

به گزارش هزارماسوله ،جەژنە تەنیا بۆنە و وەسیلێوا پەی پێوەرە بیەی، پەی هام دڵ بیەی، پەی وەشەویسی ئەرمانای، پەی ئانەیە دڵەکاما جە ژەنگ و ژۆڵەی و قین و غەرەزی پاکێ کەرمێوە، پەی ئانەی فرەتەر قەد٘روو یۆترینی بزانمێ و کەمتەر دڵوو یۆترینی مارمێ، پەی ئانەی وەشیەکاما پێوەرە بەش کەرمێ و تاڵیەکاما ویر بەرمێوە ...

 

خەڵکی ئازیز و وەشەویسوو دەگاو هانەگەرمڵەی!!

سڵاموو خود٘ای گەورەی و مێهرەبانیتا سەر بۆ.

 

ئێمە پێسە شۆرا و دێهیاری دەگاو هانەگەرمڵەی بە ئەرکوو سەروو شاناو وێما مزانمێش تا بە دڵێوە پاک و بێگەرد٘ جەژن مەبارەکی جەژنەو ڕەمەزانیتا چەنە کەرمێ و ئیشەللا جەژنەتا مەبارەکە بۆ و هەزارە جەژنێ بیدێ و خود٘ای گەورە تەعات و عیباد٘ەتیا بە چند٘ قات بە حەسەنات چەنە وەرگێرۆ و کەرۆش وەسیلەو عەقیبەت خەیری دنیا و قیامەتیتا.

 

ئازیزا و وەشەویسا!!

ڕەنگا هەرمانەو ئێمە جۆرێ بۆ کە کاڵیەیمێ یۆیرە و ئەگەروو دڵ ئێشایش چەنە بۆ، بەڵام ئی چێوە تەنیا وەروو قازانجوو دەگاکێمانە و ڕوەو دڵسۆزیوەن. ئەگەر ئازیزێ چەنەما ڕەنجیان گەرد٘ەنما ئازاد٘ کەرۆ.

 

ئێمە بە دڵێ فراوان جە خود٘ای گەورەی داواکارێنمێ دایم سڵامەتێ و سەربەرزێ بیدێ و گەرد٘ەنیچتا وەش و ئازاد٘ بۆ.

 

شۆرا و دێهیاری هانەگەرمڵەی


نظرات بازدیدکنندگان

بيننده
05:45 - 1400/02/29

سلام با كمال ميل، از جنابعالي هم تقدير و تشكر داريم كه بتوانيد مطالب و يا اخبار را به زبان هورامي ترجمه كنيد.


نظر شما

دیدگاه های ارسال شده توسط شما، پس از تایید توسط مدیریت در وب سایت منتشر خواهد شد