به گزارش هزارماسوله ، ئەحمەدی مودیر و کاربەدەسو جهادو کشت و کاڵو شارستانو پاوەی واتش:وشکەساڵی ساڵەو ئێساڵی زەرەر و زیانێ فرەش دان ئەو باخه وەزێو پاوەی،یانی ۳۰%ێ جه بەر و سەمەرو وەزیو ئێساڵو پاوەی کەم بیەن.
ئێساڵ باخە وەزیو پاوە بەرش نەوێ و بە پاو ساڵانی ویەردەی فرە کەم بیەن و ئی ساڵە(۱۴۰۰ڕۆجیاری) بۆنەو وشکەساڵی و نەویەی وەشت و واری سەمەر مشەمەر نەوێ.
ئەحمەدی ئینەیچشە وات کە باخێو پاوەی ۳هەزارێ و ۹۳۹ هیکتارێن کە هەزار و ۴۴۲ێ هێکتارێ چینەیە باخە وەزیەنێ و بەرئاورد مەکریو ۹۵۴ تۆنێ سەمەرش بۆ و ئیجا ۱۳۶۴ هیکتارێ جە باخەوەزێو پاوەی یاواینێ پەنە و سەمەرشان هەن و باروەرێنێ.
وەزتەکنای باخێو شارستانو پاوەی جە سەرەتاو ئی مانگێنە(ئاوەوەرە/شهریور) دەس پەنە مەکەرۆ و تا مانگەو ترازیێ(مهر)ئیدامەش هەن و مەخاینۆ. قابلو واتەیەن کە وەزیو مەنتەقەو پاوەی چەور و بازارپەسەندێنێ و بۆنەو ئیستفادە نەکەردەی جە سام و کودی کاملەن ئورگانیک و تەبیعیێنێ.