پایگاه خبری تحلیلی هزارماسوله16:31 - 1400/03/11
سرویس زبان هورامی هزارماسوله

تف چنیەی جە باخێو شاروستانو پاوەینە دەسش پەنە کەرد

مودیرو جیهادو کشت وکاڵو شارستانو پاوەی جە دەس پەنەکەردەی تف چنیەی جە تفسانێو ئی شارستانیە هەواڵش دا.

به گزارش هزارماسوله ،شەهروزی ئەحمەدی جە گفتوگۆ چەنی ئیسنای واتش: تفسانێو ئی شارستانیە،۲۴۷ هێکتارێن کە ۲۲۷ هێکتارێ چینەی یاواینێ پەنە وقابڵو چنیەینێ و ۲۰ هێکتارێچ نەمامێنێ. ئەحمەدی چی بارەو هەرپاسە واتش:فرەتەرین باخێو پاوەی،تفیەنێ و پیجۆرە ئی شارستانە فرەتەرین باخه تفیو ئوستانو کرمانشانیش هەنێ و هەر هێکتارێ باخیچ، ۱.۵ تۆنێ تفیش هەنێ و مەزەنەو سەمەرو تفیو ئێساڵیچ نزیکو ۳۴۰ تۆنێن. 

 

تفە ئیسفەهانیە،تارانیە و دوریسانی یەرە جۆر چا تفانێنێ کە چی شارستانەنە میاوانێ و فرەو سەمەرو ئی تفانیچە کیاستەو ئوستانو کرماشانی و بەرو کرماشانی و بەشێچێش کیاستەو وەڵاتو عیراقی مدۆ. 

 

ئەحمەدی پینەیچە ئیشارەش کەرد کە تفیو باخدارێ ئی شارستانیە بۆنەو ئێستفاده نەکەردەی جە سام و کودی کامڵەن ئورگانیگ و تەبیعێنێ،و ئەڵبەتە بازارو تفەتەڕان کەمتەرەن،یانی فرەو تفێو ئێگەی وشکێ مەکریان و پیجۆرە مەورەشیان و وشکەبارو ئی سەمەریە بازار پەسەندتەرەن. بە واتەو ئەحمەدی تف چنیەی تفسانێو شارستانو پاوەی تا دلێڕاسەو هامنی یانی ۱۵و گەلاوێژی،مەخاینۆ و تا ئی عانە ئیدامەش هەن.