بخش هورامی بمناسبت روز کارگر؛

کرێکار

سرویس: بخش هورامیکد خبر: 300871|17:31 - 1402/02/11
نسخه چاپی
کرێکار
کرێکارێوە کە نەوەشی وێش شارۆوە نەکوو دوکتر دوێ ڕوێ ئێسراحەتش پەی بنویسۆ.

به گزارش هزارماسوله ، بە نەزەرەو من وەختێو یۆ گەرەکش بۆ بابەتێوە جە بارەو کەسێوە یام شەخسیەتێوە بنویسۆ. مشیۆم بلۆ دلێ ناخوو ئا شەخسیەتیە پەرسیار کەرۆ جە وێش، جە سەختی هەرمانەکەێش، جە گیر و گرفتەکاش و....

 

ئیسە کرێکاری هەژاریچ هیچ قەڵەم بە دسێوە هێزوو ئانەیشە نیەن تا بزانۆ ئا چێوە کە شایانوو ئا شەخسیەتە بەهێز و مانیای نەشناسینە بنویسۆش.

 

کرکارێوە کە جە گەرماو هامنێ دەسکێشێ چەرمیێ کەرۆ دەسێش تا دەسێش نەچزیا ئاسن و مێڵگردەرە.

 

کرێکارێوە کە شەوانی جە کەم حۆکمی چەماش گلەیێ کەرۆ  و وەروو کەم دەسی خۆڵەپۆتێ و وا و گژەو ڕوی کەرۆ بەهانێ.

 

کرێکارێوە کە جە جل و بەرگیش شاکی نمەبۆ تا زاڕوڵەکێش پۆشتێ با.

 

کرێکارێوە کە یەک چرکە ویروو سفرە هاڵیەکەیش جیاش نمازۆ.

 

کرێکارێوە کە بلۆقی دەس و پایەکاش بە تێژتەرین تێخ پاچۆرە و گلەیێ نمەکەرۆ و ئاهش بەرنمەی.

 

کرێکارێوە کە دڵش بەربەی وەروو دەسە شەق‌شەقەکاش نەیارۆ نازوو ڕوڵەی ناسکیش بدٚۆ.

 

کرێکارێوە کە نەوەشی وێش شارۆوە نەکوو دوکتر دوێ ڕوێ ئێسراحەتش پەی بنویسۆ.

 

کرێکارێوە کە شەوێ حەتا ڕۆ بۆوە خەمێش بە ترازواو وێژدانیش کێشانە کەرۆ.

 

کرێکارێوە کە چەمەدٚانوو سیپاڵەکاش بیەبۆ کیسە برێنجی هێندی و دلێ شاریەرە بە هیواو ڕوێو کاری کێشانەش کەرۆ و شەرم نەگێرۆش....

 

کرێکارێوە کە جە هەسارەو ئاسمانی و مانگێ و ڕۆجیاری حەتا سێوەروو پەڵە هەورێوەیچ بەشش نەبۆ...

 

کرێکارێوە کە واتەو قەدٚیمیاش پەی گرینگ بۆ و دەسێ مانیایش بنیۆ سەروو لەمێ تێرێوە.

 

کرێکارێوە کە مشیۆم تا دما هەناسەش دەس جە هەرمانێ نەکێشۆ چوون کە بازنشتەگیش نیەن...

 

وە هەزاران هەزار واتێ نەدرکیای تەری....

 

وەشڵەی و هەزار وەشڵەی ئا دەسە مانیایا پەی یەک جاریچ بیایا دنیای ڕۆشنە مانیایشا سەیایاوە....?

 

✍️شەریفی بێساران

 

نظر شما

دیدگاه های ارسال شده توسط شما، پس از تایید توسط مدیریت در وب سایت منتشر خواهد شد