به گزارش هزارماسوله ڕەییسو حەریمو کۆرسانو عێراقی کە پەی ئایینو تەحلیفو ڕیاسەت جمهوری سەردای ئێرانیش کەردەبێ ڕۆ جمعەی ۱۵وگەلاوێژو ۱۴۰۰ی ڕۆجیاری(۶و ئوتو ۲۰۲۱ی عیسایی) جە گفتگۆ و دیدارێ چەنی آیت اللە سید ابراهیم ڕەییسی ڕەییس جمهوری ئێرانی واتش:وێمان بەشێ جە ئێرانی و شۆرشو ئێسلامی ئێرانی مزانم و ئیجازە نمەدیمێ جە خاکو حەریمیەنە هیچ جۆر نائەمنی وەراوەرو ئێرانیەنە بقۆمیۆ.
پایگاو هاگاداری ڕیاسەت جمهوری ئیرانێ چی بارەوه نویستەنش:آیت اللەدوکتۆر سیدئیبراهیمی ڕەییسی چی گفتگۆەنە،پەیوەندی میانو ئێران و عێراقیش بنەڕەتی و دۆستانە داقەڵەم و واتش:ئی پەیوەندیە پاجۆرە کە شایستەو ئێ دوە وەڵاتەیەنە نیەن و مشیۆ چینەی کە هەن فرەتەر بۆ و هەنگامێ پتەوتەرێ بە سازوکارێ تایبە و تایین کریای بە ئیستفادەی خاستەر جە تفاق و ئیمکاناتی پەی ڕەحەتی و وەشی و ئاسایشو خەڵکی بنریان.
آیت اللە ڕەییسی جە بارەو فیتنەو داعش و داگیرکەردەی بەشێ جە وەڵاتو عێراقی و کۆرسانوعێراقی چاعانەنە واتش:حاج قاسم جیاوازێ میانو ئێران و عێراقی تایبە مەنتەقەو کۆرسانی نەزانێ و فیتنە و ئاژاوێ داعیشیش خەفنا و جە بەینش بەرد و ناسش ئی فیتنە پای بگێرۆ و ئیسەیچە مشیۆ وێمان ئاسایش و ئەمنیەتو وەڵاتەکانمان بەرقەرار بکەرم و بەرمێش ڕاوە و هیچ وەڵاتێ بێگانە حەز بە ئەمنیەتو ئێمە نمەکەرۆ و تەنیا بە ئاژاوێ و ئاشۆی دلێ ئێمە ڕازی و وەشحاڵینێ و مشیۆ هۆشیارێ بێمێ و ئیجازه نەذەیمێ بێگانە بەینە دلێمان.
نەچیروان بارزانیش هۆرچنیای آیت اللە ڕەییسی جە جایگاو ڕیاسەت جمهوری ئێرانیش تەبریک و شاذباش وات و واتش:ئێمە پەڕبەدڵ و فرە و فراوان جە ئێنتخابو شمە پەی ڕیاسەت جمهوری ئێرانی وەشحاڵینمێ و پێشوازیش چەنە مەکەرمێ و بێ گومان سەردەمێ تازە و نەو جە پەیوەندی بازرگانی،فەرهەنگی و سیاسی میانو حەریموکۆرسانی پسەو بەشێ جە وەڵاتو عێراقی و هەرپاسە وەڵاتو ئێرانی پا مەگێرۆ و ئیمە وێمان بەشێ جە ئیرانێ و شۆڕشو ئێسلامی ئێرانی مزانمێ و نەقش و کارئامەیی و فیداکاری شەهید حاج قاسمی سۆلەیمانی عانو هوتەرەو داعیشی سەرو وەڵاتو عێراق و هەرپاسە حەریمو کۆرسانی فەرامۆش نمەکەرمێ و ئینە بابەتێ ئەوەشاریا نیەن و وێمان مەدیونو ئێرانی مزانمێ و حەتمتان وەنە بۆ ئیجازەو هیچ جۆر نائەمنی جە خاکو حەریمیەنە وەراوەر چەنی ئیرانی نمەذەیمێ.
دیدار و چەم پەنەکەوتەی نزیکو نەچیروان بارزانی و دوکتۆر مۆحەمەدی قالیباف ڕەییسو مەجلسو ئێرانی بەشێ تەری چی سەفەرو تارانیە بێ کە لواڕاوە و باسو پەیوەندی هێقێم و زیاتەرو هەردولای بەڕسی بی و باسش سەرکریا.
چی سەفەرەنە سفین دزەیی کاربەدەسو پەیوەندی بەرو دەوڵەتو حەریمو کۆرسانو عێراقی،مۆحەمەدمۆحەمەد سەعیدوەزیرو فەرهەنگ و جوانان،خانم کۆیستان مۆحەمەد وەزیرو کار و کاروبارو کۆمەڵگای،دادە ڕیواز فایەق ڕەییسو پارلمانو کۆرسانو عێراقی و هەرپاسە نازم دەباغ نمایەندەو دەوڵەتو حەریمو کۆرسانو عێراقی جە تارانەنە و عەبدواللە ئاکرەیی کاربەدەسو پەیوەندی دەوڵەتو حەریمو کۆرسانو عیراقی و ئیرانی،هامڕاو نەچیروان بارزانی بێنێ کە پەی مەراسمو تەحلیف و دەس پەنەکەردەی ڕیاسەت جمهوری بەرگۆزیدەو ئێرانی،سەردای تارانیشان کەردەبێ.
نظر شما
دیدگاه های ارسال شده توسط شما، پس از تایید توسط مدیریت در وب سایت منتشر خواهد شد