سرویس زبان هورامی هزارماسوله/

لافاوە ئوروپاش بەرد (سیلاب،اروپا را با خودبرد)

سرویس: بخش هورامیکد خبر: 299647|16:14 - 1400/05/02
نسخه چاپی
لافاوە ئوروپاش بەرد (سیلاب،اروپا را با خودبرد)
وارای وارانی فرە جە ئاڵمان و بڕێ تەر جە وەڵاتێو ئوروپای،لافاوێ گەورێش شۆنیوە بێ.

به گزارش هزارماسوله ،هۆرنیشتەو لافاوێ دماو ئی وەشت و واریە کە بە واتەو کارشناسێ هواشناسی و زانشتمەندێ ئاو و هوای جە سەو ساڵێ ویەردەنە سابقەش نەویەن،بی سەبەبو گیان جە دەس دای ۲۰۰ کەسێ و تا ئیسەتێ نزیکو ۱۳۰۰ کەسێچ بێ سەر و شۆنێنێ. 

جە ڕاپورتو یورۆنیوزی ئامەن کە بۆنەو پڕچیای کابڵ و خەتێ تلێفون و تلێفونی هامڕا و کاناڵێ پەیوەندی،خەوەر و دەنگو باسێ چا کەسانه کە گمێ بیەنێ،نیەن. 

 

جە بلژیکیچ خەوەر یاوان کە چنها کەسێ بۆنەو ئی لافاوێ گیانشان جە دەس دان و هەزاران یانێ کەوتێنێ چیرو ئاوێ. کاربەدەسێ شارو"لیژ"و بلژیکی بە ۲۰۰ هەزارێ جەمیعەتی،دەسورو چۆڵ کەردەی ئی شاریشانە دان و واتەنشان وەروئانەی ئەگەرو وەشت و واری فرەتەری و هۆرنیشتەی لافاوێ هەن و وەرو پارێزنای گیانو هام وەڵاتی ئی مەحاڵیە،مشیۆ هەرچی زودتەر خەڵک شاری جیابازانێ و بزیانێرە. 

 

هەڵای هەواڵ و گوزارشتێ ڕۆشن و دیار جە تەلەفات و مەرگی ئینسانی لافاوەو وەڵاتێو سوییس و هۆلەند و لوکزامبورگ و ئۆتریشی نەکەوتەن بەرۆ و هەر هەواڵ کیانێ بە جۆرێ باسش مەکەران. زەرەر و زیانێ فراوان دریان ئەو سامان و ژیوای خەڵکی و چێر و چوەربیەی تفاق و ئیمکاناتی شاری پاسەشە کەردەن کە هەواڵ کیان و میدیای ئاڵمانی ئی لافاوێشانە نامێ نیاینە"لافاوەو مەرگی". 

 

وەشت و وار جە دوێ ئیاڵەتێ جە ماوەو ۲۴ ساعەتێ نزیکو۱۵۰میلی مێترێ و جە یاگانێ تەری ماوەو ۹ ساعەتێنە سەرو ۲۰۰میلی مێترێ بیەن کە جە میانگینی یەک مانگە ئاییچ چی عانەنە(هامنێ) بێ سابقه بیەن و هەر پاسە کە سەرەنە واچیا جە بڕێ شارستانێ تەری ئی وەڵاتیە جە ۱۰۰ ساڵێ ویەردەنە پێسە لافاوێ نەویەن. پاسە کە پێش بینی کریان و نەخشێ هواشناسی نیشانە مەذان،حەفتەی ئایندەیچ شەپۆلێ وارانی ئاسمانو ئاڵمانی مەگیرۆرە و وەشت و وارێ تەری ناڕاوە. 

 

جە ئوروپانە چن رۆێ وەڵێ هۆرنیشتەی ئی لافاوێ،بەرنامێ جە بارەو سڕیەی سوتەمەنی فوسیلی لواڕاوە یانی مشیۆ جە ماوەو ۹ ساڵینە ئیستفاده کردەی چی سوخت و ئینێرژیانە،گرد لاشۆ و هۆرپێچیو و تا ساڵەو ۲۰۵۰ی عیساییچ چێوێ بە نامێ گازێ گوڵخانەی(GHG) نەمانۆ. به باوەڕو کاربەدەسێو بەروبوم و ژیوای، واڕیای ئاوهوای و گەرم بیەی گۆزەمینی شۆنەو شۆرشی سەنعەتی و کاروپیشەی بیەن سەبەبو ئامەی پیسە لافاوێ سامناک و زەرەر دەرێ و ئوروپایچ یۆ چا یاگانەنە کە فرەتەر چینەی مشیۆ تەماذارو ئی جۆر لافاوانە بۆ و پاجۆرە کە زانشتمەندێ باس مەکەران ئوروپا جە ئایەندەنە بەشێ فرە جە بەرئامەی کشت و کاڵ و هەرپاسە سروەت و سامان و بازرگانی وێش پی بۆنەوە جە دەس مەذۆ. 

 

خێزیای جەنگ و دەرگیری و نائارامی جە پەی ئامەو وشکەساڵی و لافاوێن کە هەردوە جە گەرم بیەی گۆزەمینی سەرچەمە مەگێرۆ و دماڕو بەشەریەتیش وستەن مەتەرسی.

نظر شما

دیدگاه های ارسال شده توسط شما، پس از تایید توسط مدیریت در وب سایت منتشر خواهد شد