به گزارش هزارماسوله ،فەن ئاوەری دیپ فەیک"Deepfake"بە شێوەی عام نزیکو ده ساڵین هۆرکەوتەن و پاسەشە کەردەن کە گردو ئینسانەکان جە سەرتاسەرو جهانی نمەتاوان وێشان چەنەش بشارانێوە،
یانی بە جۆرێ وێنە و چڕوچەمو تەمامو ئانزانێ جە گردو گۆزەزەمینی جە ڕاو دوربینیوە سەبت و ئێسکەن کریان و دیپ فەیک مەتاوۆ پسەو ڕاوکەرێ ئازا ڕوەشەنە چنها وێنە و تاخایەتێ فیلمێ ساختەگی جۆراوجۆرێ وەشێ بکەرو یانی گیان مەوەخشۆ بە چڕوچەمێ بی گیانی،
پیجۆرە کە وێنێ بێ گیان مەگنۆ جموجۆڵ و قسەکەردەی و گۆرانی واتەی و دژمان دای و هەڕەشەکەردەی و ناوەش کەوتەی و ..... سازوکارو دیپ فەیکی(مسای و گەڕیەی قوڵە)یپیجۆرەنە کە مەکریۆ ئا وێنه و فیلمێ کە ئێمە جە دلێو موبایل و کامپیوتریەنە هەنێمان،چنها وێنە و فیلمێ ساختەگی چەنەش بەربەی و سازبکریان بێ ئانەی ئیمە هاگا و خەوەرمان بۆ و ئینە مەتەرسیه گەورەن و حدودو ڕاس و درۆیش تێک دان و ترازنانش و مەتاوۆ دماڕونە جە بابەتو ڕەفتار و کەردەوە شناسیەنە کاریگەریە خراوش بۆ و ئانزانێ توشو زەحمەت و ڕەنجی بانێ.
ئازاری ڕوحی و تاخایەتێ باج گرتەی و سوک نیشان دای مەنش و گەورەیی کەسایەتی نەتەوەیی،سیاسی و فەرهەنگی و...جە پەی ئامەو ئی فەن ئاوەریەنە کە نزیکو چن ساڵین بنەش کواینە و کەوتەن بەرۆ و تائیسەتێ کاریگەری فراوانش بیەن سەرو ڕۆح و ڕەوانو ئانزانی و بە جۆرێ جە فرەو یاگانەنە دەسێش بەردەن دلێو سیاسەت و فەرهەنگ و سینەما و وەرزش و بازرگانی و ژیوای ئانزانی و بیەن سەبەبو ئانەی کە فرەو خەڵکێ بە چەمو بەدبینی تەماشاو کەسایەتی نامی و سەرشناسێ پسەو:دیپلوماتێ،هونەرمەندێ،کاربەدەسێ و .... و دماتەرۆ وەڵاتو وێشان بکەرانێ و جە سیستم و حاکمیەتو سەرزەمینیشان هۆربگێڵانێوە و نسبەت به دەولەتیشان کینە هۆربگێران و بە چەمی خراو بێیان دەوروبەرویشان و ئینە یانی هەنگام نیای ڕوەو"دهکدە جهانی"بە ساختارێوە یەکسان و یەکڕەنگ و یەک شێواز و یەک شکڵ کە قابلیەتو کونترۆڵیش بۆ و بە ئاسانی چەمداری بکریۆ و ئینە نمەکریۆ مەر بە بەدبین کەردەی خەڵکو وەلاتیوه بە سیستمی حکومتی ئا وەڵاتەیە،بابەتێ کرێڵی کە ڕۆنە جە دەوروبەرمانەنە ویناش مەوینمێ و تەماشاش مەکەرم بێ ئانەی بزانم خەریکەن چێش مەقۆمیۆ و جە واقع بێ دەسەڵاتێش کەردێنمێ. زانشت و فەن ئاوەری هۆشی ناسروشتی (هوش مصنوعی)بیەن سوتەمەنی پەی دیپ فەیکی و پەڕوباڵش دان پەنەش و کەڵەوەڵاتەکێ جهانی(قدرتهای جهانی) بە کیاستەی هەزاران سەتەلایتێ ڕوەو ئاسمانی و ڕاسەرو گۆزەمینی،بەرشیەی چی ئاژەیشانه دوردەسەیاو کەردەن. ئایەندەنە جە بارەو تکنولوژی دیپ فەیکی فرەتەر مەوینمێ و مەژنەومێ و خاستەر چەنیش ئاشنای مەوێمێ و ئینە یانی هەر جە ئیسەوە مشیۆ چەنی ئی ئاژەیە بەیمێرە و بە پافسکێ بلم دلێ دنیاو هاڵیگای قەسالێ(فضای مجازی).
جهت اشنایی بیشتر با با این فن اوری لینک زیر را بزنید
https://www.iribnews.ir/00CEHH
نظر شما
دیدگاه های ارسال شده توسط شما، پس از تایید توسط مدیریت در وب سایت منتشر خواهد شد