به گزارش هزارماسوله ،ڕەسەدخانەو نەتەوەیی ئێرانی ئینا جە بەرزایی ۳۶۰۰ میتری کەشو"گەرگەش"ی جە نزیکی شارستانو کاشانیەنە.
گردو ئا وەسیلە و کاردەستێو سازنای ئی تلێسکۆپیە پسەو جام(ئاینە) و.... ساختەو دلیو وەڵاتو ئێرانیەن و پیجۆرە ئێران جزو ۱۰ وەڵاتێو گەورەو سازەندەو کەل و پەلو تلێسکۆپی بە ئەژمار مەی.
سۆرینا ستاری-یاگەگیرو زانشتی و فەن ئاوەری ڕەییس جمهوری جە ئایینو سفتاح و پەردەلاداو ئی ڕەسەدخانەیە کە بە شێوەی مەجازی(ڕای دور)لواڕاوە واتش:هەنگامێ گەورێ جە بارەو زانشتو ئاسمانوشەوێ(هەسارەشناسی) و نجومی هۆرگیریان و هەرمانێ عالەمان دەس پەنە کەردێنە و ئیجا ئینەیچشە وات کە ئیسەتێ هەشت ڕەسەدخانێ جە نیمگۆسەرنیشتوزەمینی(نیمکرە شمالی)هەنێ کە شش چینیشانە ئینای کەلاسەو چوارمتریەنە(هەرجە هیسپانیای تا وەڵاتو هێندی).
ئی هەرمانە زانشتیێ نزیکو شش ساڵێش خواینا و جە میانو ۸۰ یاگێنە،لوتکەو کەشو "گرگش"ی هۆرچنیا و گردو کارێ ئەندازەگیری و موهەندێسی ئی پڕۆژەیە دلێو خاکو ئێرانیەنە کریان و لوان ڕاوە.
پەنەوازەن بواچیو کە وەزنەو ئی تلێسکۆپیە ۹۰ تۆنێن و جە ۴۰هەزار تیکێ و وەسیلەی وەش بیەن و زیادتەر جە ۷۰% گردو کار و هەرمانێ ئی پڕوژەیە جە چوار ساڵێ ویەردەنە ئەنجام دریان و نزیکو ۲ و نیم میلیون"کەس"(نفر)ساعەت سەرشۆ کارکریان.
نظر شما
دیدگاه های ارسال شده توسط شما، پس از تایید توسط مدیریت در وب سایت منتشر خواهد شد