ئێستەیەو قەدیمیتەرین کاشکاشانێ پەپکەماری

به گزارش هزارماسوله ،تیمێ جە زانشتمەندێ گلێرگاو(مرکز) نەتەوەیی دیدگای ئاسمانی وەڵاتو ژاپونی بە کومەکو سازمانێ تەری هەسارەشناسی،ڕۆ یەرەشەمەی ویەردە هەواڵشادا کە بە کەڵک گیرتەی و کومەکو تێلیسکوپو"ئالما"ی(ALMA) کە ئینا جە وەڵاتو شیلیەنە و شۆنیەرە بە شی کاری و دەیتا و هەرمانێ فرەتەری،کاشکاشانێ دوانزه میلیارد و چوارسەو میلیونیشا ئێستەو کە دوێ لایوە جە دلێشەنە پسەو وەرێسێ،خەریکەن کیشیای مەکیشیو و گەورەتەرمدۆ. 

بە واتەو ئی زانشتمەندانە ئی کاشکاشانە ۱ میلیارد و ۴۰۰ میلیون ساڵی دماو تەشک گیری کاینات و کەیهانی وەش بیەن و کۆگایە گەورەن جە هەسارە و گازی. 

پروفسور"ئیگۆچی ساتورۆ" کە چی پروژە زانشتیە بەشدار بیەن ماچۆ:ئیستەیەو پێسە کاشکاشانی پەپکە ماری(مارپیچی)پەیمان فرە عەجیب و بەڵاجەوەین و ئینەیچشە وات که کاشکاشانی زودتەر چانەی ئیمە فکرش مەکەرم وەشێ بیەنێ و شکڵشا گیرتەن.

 پەنەوازەن بواچیۆ کە ساختارو کاشکاشانی پیجۆرەنە کە قابڵیەتو ئانەیش هەن کە چەنی کاشکاشانی تەری بانی یۆ و کاشکاشانی تەری گەورە بە ساختار و تەشکی جیاواز وەش بۆ وتا ئیسەتی میلیاردها کاشکاشانێ جە خەرمانەو بی پەڕاوپەڕو کایناتی بە تەشک و شیوازی جۆراوجۆری ئێزیاینێوە و نامێشا نریاینێ کە گۆزەمینی چەنیو میلیونها هەساری و گۆگیڵ(سیارە) تەری ئینا دلیو یۆ چی میلیارد کاشکاشانەنە. عەمرو کۆنتەرین کاشکاشانی کە تا ئیسەتی ئێزیانۆ، ۱۱میلیارد و ۴۰۰ میلیون ساڵین.