به گزارش هزارماسوله ،"انا لله و انا الیه راجعون"
بێ شک گرد٘یما مڵکوو وێشەنمێ و پەی لاو وێش گێڵمێوە.
دەسێ ملا و دەسکارێ مەناوە!
داخەی گرانەما هەواڵما لا یاوا برای ئازیز و وەشەویسما کاک "محەمەد سدێق بەهەشتی زادە" خەڵکوو دەگاو نۆسمەی بە ڕەحمەتوو خود٘ای گەورەی لوا و داخەی گەورێش نیا سەروو دڵوو گرد٘یماوە.
بێ زەند٘ دلێ خەڵکوو دەگاو هانەگەرمڵەی و دەگایەکاو دەور و بەرینە هەر وەخت نامێ ئاوەد٘انی و ئاوەد٘ان کەرد٘ەی گنۆ گۆش، بە تایبە شۆنەو تەمامیای جەنگوو ئێران و ئێراقیرە، نامێ کاک "محەمەد سدێق بەهەشتی زادەی" دلێ دڵانە زیند٘ێ بۆوە و ئی شەخسە مەبارەکە و هەرمانە ئینسانیەکێش گناوە ویر.
ئاغەی بەهەشتی زادە چەپەوانەو فرەو خەڵکوو ئارۆی کە تەنیا قازانجی شەخسی وێشا وینا وەرەنە و دەربەسێ فرەو چێوا نیەنێ، ئینسانێ گەورە و کەم تەماح بێ و بە هەرمانە عال و خەیروازەکاش کە فرەو وەختی جە کیسەو وێش مایێ نیێ، پێسە کێشتەی جوا پەی باخەکاو هانەگەرمڵەی و ئاوەد٘ان کەرد٘ەی مەکتەبوو هانەگەرمڵەی، یاگە دەسش جە ئاوەد٘انی دووبارەو دەگاو هانەگەرمڵەینە دیارا و وێش پەی هەمیشەی دلێ دڵوو خەڵکینە یاگێ کەرد٘ۆ و شۆنەو زیاتەر جە ویس ساڵارە ئیسەیچ نامێش بە خاسە دلێ خەڵکینە مەنێنە و مەنۆوە.
جا هەر پی بۆنەوە خەڵکوو دەگاو هانەگەرمڵەی بە عام و تێکڕا، وێش بە ئازیەتبار و شەریکە خەموو ئی مسیبەتە گەورەیە مزانۆ و جە خود٘ای ساحیب ڕەحمی و ساحیب کەرەمی داواکاریشا ئانەن ڕۆحوو ئی ئازیزیە بە بەهەشتەی بەرینی شاد٘ کەرۆ و عەمری درێژ و عاقیبەت خەیریش پەی یانەیا و کەس و کاریش ئاستە بۆ جیا.
نظر شما
دیدگاه های ارسال شده توسط شما، پس از تایید توسط مدیریت در وب سایت منتشر خواهد شد